Ka nisur takimi trepalësh në Bruksel

Ka filluar takimi trepalësh në Bruksel mes delegacionit të Kosovës, atij të Serbisë dhe Përfaqësuesit të BE-së për dialogun, Mirosllav Lajçak.

Fillimisht Lajçak ishte takuar me delegacionin e Kosovës ku u bisedua për disa orë, ndërsa më pas diskutoi me delegacionin e Serbisë.

Në takimet ndaras sot është diskutuar për energjinë, për të pagjeturit dhe është hapur edhe çështja e një traktati të paqes mes palëve.

Ndërsa pala serbe gjatë takimit me Lajçakun ka insistuar të diskutohet për zgjedhjet e prillit në Serbi, dhe mundësinë e organizimit të votimit edhe në Kosovë. Po ashtu është diskutuar edhe për Asociacionin.

“Ky takim do të jetë i rëndësishëmpër të testuar palët nëse ka gatishmëri për të arritur përparim, që të thirret takim i nivelit të lartë mes kryeministrit Albin Kurti dhe presidentit të Serbisë, Aleksandar Vuçiq. Takim të tillë nuk ka pasur nga vera e vitit të kaluar, ka presion të ndodhë kjo”, tha gazetari Augustin Palokaj, i cili ndodhet në Bruksel.

Rruga Press