Nis shembja e 12 shtëpive tek ‘5 Maji’/ Banorët gjuajnë me gurë, policia hedh gazlotsjellës dhe shoqëron 3 persona

Që në orët e para të mëngjesit, banorët e ‘5 majit’ po protestojnë për të mbrojtur shtëpitë e tyre, nga fadromat e IMTS-së. Banorët, në shenjë rezistence, kanë tentuar që të pengojnë policinë që të ndërhyjë duke refuzuar të largohen nga banesat. Ata janë përplasur edhe me policinë, ku kanë qëlluar me shkopinj e gurë.

Pavarësisht rezistencës së banorëve, fadromat e IMT-së, kanë ndërhyrë dhe po kryejnë procesin e shembjes së shtëpive. Për të shpërndarë protestuesit, policia ka hedhur gaz lotsjellës, ndërsa ka shoqëruar banorët Bekim Cerrin, Loreta Nikollin dhe Mirash Markun. Ndërsa prisnin që t’u shembej shtëpia, vajza e banorit të shoqëruar Bekim Cerri, feston datëlindjen e mbush 5 vjeç sot. /lapsi.al/

Rruga Press