NATO: Rusia po kërkon pretekst për ta pushtuar Ukrainën

Sekretari i Përgjithshëm i NATO-s, Jens Stoltenberg, ka thënë se Rusia mund të krijojë një pretekst për të justifikuar përdorimin e forcës kundër Ukrainës.

“Ne jemi të shqetësuar se Rusia po përpiqet të krijojë një pretekst për një sulm të armatosur kundër Ukrainës. Rusia ka vendosur forcat më të mëdha ushtarake që kemi parë në Evropë për dekada në Ukrainë dhe rreth saj”, ka thënë në një konferencë për shtyp në Bruksel, njoftoi BBC.

“Ne kemi parë përpjekjet e vazhdueshme për të gjetur një pretekst, operacione të rreme që janë përdorur për pushtimin e Ukrainës”, shtoi ai.

Një operacion me “flamur të rremë” është kur njëra palë organizon ose sajon një sulm kundër saj me qëllim që të justifikojë përdorimin e forcës si shenjë hakmarrjeje.

“Ne do të vazhdojmë t’i bëjmë thirrje Rusisë që të tërheqë forcat dhe të dialogojë”, u shpreh Stoltenberg.

Rruga Press