NATO do të diskutojë rritjen e pranisë ushtarake në Evropë

Takimi i ministrave të Mbrojtjes të vendeve të NATO-s do të mbahet në selinë e NATO-s në Bruksel më 16-17 shkurt

Ministrat e Mbrojtjes të vendeve të NATO-s do të mblidhen për të diskutuar rritjen e pranisë ushtarake të aleancës në Evropën Lindore dhe Juglindore pas tensioneve në rritje mes Rusisë dhe Perëndimit, transmeton Anadolu Agency (AA).

Takimi i ministrave të Mbrojtjes të vendeve të NATO-s do të mbahet në selinë e NATO-s në Bruksel më 16-17 shkurt. Në axhendën e ministrave përfshihet rritja e grumbullimit ushtarak të Rusisë në kufirin e Ukrainës dhe se çfarë mund të bëjë aleanca kundër tensioneve në rritje për këtë arsye.

Në muajt e fundit pas përshkallëzimit të tensioneve me Rusinë, NATO ka forcuar praninë ajrore, detare dhe tokësore të vendeve baltike në lindje të Estonisë, Letonisë, Lituanisë dhe Polonisë.

Brenda disa javësh numri i ushtarëve me detyrë në 4 njësitë luftarake në kuadër të Pranisë së Përparuar të Zhvilluar të Aleancës në vendet baltike dhe Poloni u rrit nga 4 mijë në 5 mijë.

Në këtë rajon prania është rritur edhe me anijet dhe avionët luftarakë të dërguara nga Danimarka, Holanda, Spanja, SHBA-ja dhe Britania e Madhe.

Gjithashtu në Rumani dhe Bullgari në javët e fundit është rritur numri i ushtarëve dhe avionëve luftarakë të vendeve të NATO-s. Përforcimet ushtarake në këto dy vende janë kryer kryesisht nga SHBA-ja, Italia, Gjermania dhe Spanja. Aktualisht në Rumani ndodhen mbi 2 mijë ushtarë të vendeve anëtare të NATO-s.

Këto përforcime aktualisht përbëhen nga evakuimet kombëtare të këtyre vendeve dhe komandat e elementëve ushtarake të dërguara i përkasin vendeve dërguese. Pritet që në takimin e ministrave të Mbrojtjes së NATO-s të merret një vendim që këto njësi ushtarake të vendosen nën ombrellën e NATO-s.

Planifikohet që prania e NATO-s në Evropën Lindore të jetë afatgjatë. Parashikohet që një njësi ushtarake të vendoset në Rumani e cila javën e kaluar u vizitua edhe nga sekretari i përgjithshëm i NATO-s, Jens Stoltenberg. Po ashtu diskutohet edhe vendimi për praninë e njësive ushtarake në pika të tjera të Evropës Juglindore.

Thuhet se këto vendime do të diskutohen në takimin e ministrave të Mbrojtjes së NATO-s. Pritet që nga takimi të dalë një konsensus dhe në pranverë një vendim përfundimtar lidhur me çështje të tilla si planifikimi për dislokimet, përfshirja dhe madhësia e njësive.

Ndërkohë vihet në dukje se Franca ka shprehur dëshirën të jetë vendi kuadër për njësinë luftarake që pritet të vendoset në Rumani. Franca dëshiron të kryejë udhëheqjen e njësisë luftarake që do të vendoset në Rumani.

Rruga Press