Mediat greke: Rama mbron të drejtën e Athinës, një hap më pranë zgjerimit me 12 milje në Jon

Media greke ‘’ProtoThema’’ i ka kushtuar një artikull zgjerimit të Greqisë me 12 milje në detin Jon, debatit të ndezur politik në Shqipëri dhe rolit të Turqisë.

Sipas artikullit, Rama mbron hapur të drejtën e Greqisë pë zgjerim në det dhe ky merret si një mesazh për Ankaranë nga Tirana.

Po ashtu sipas ProtoThema, tashmë Greqia është një hap më pranë finalizimit të zgjerimit me 12 milje në detin Jon teksa në Shqipëri Rama mbron të drejtën e Greqisë kurse opozita e akuzon për bisedime të fshehta.

”Mesazh për Ankaranë nga Tirana – “Greqia nuk kishte reaguar kur Shqipëria kishte zgjatur ujërat e saj territoriale në 12 nm. në vitin 1990 ”, theksoi Kryeministri shqiptar.

E drejta e Greqisë për të zgjatur sovranitetin e saj në 12 milje detare në Ishujt Jon dhe Jon deri në Kepin Tainaro në Peloponez mbrohet nga Kryeministri shqiptar, Edi Rama .”- shkruhet nga ProtoThema.