Edhe Londra për pak do të kishte një Kullë Eiffel

Diku nën fushën e stadiumit kombëtar të Anglisë në Wembley, Londër, shtrihen themelet e asaj që mund të ishte ndërtesa më e lartë e qytetit. E frymëzuar nga Kulla Eiffel në Paris, Kulla e Madhe e Londrës ishte gati ta kalonte atë në lartësi.

Në vend të kësaj, ajo kurrë nuk e kaloi fazën e parë të ndërtimit. Ajo u shkatërrua gati 120 vjet më parë, duke lënë pas një ëndërr të parealizuar dhe themele të mëdha betoni që u rizbuluan në vitin 2002, kur stadiumi aktual u ndërtua për të zëvendësuar një të vjetër, raporton CNN.

Pra, çfarë shkoi keq?

Kulla ishte ide e Edward Watkin, një politikani britanik, përpjekjet e mëparshme të të cilit përfshinin një përpjekje të dështuar për të ndërtuar një tunel nën Kanalin Anglez.

Kulla Eiffel, e cila u hap më 1889, u bë shpejt një atraksion popullor turistik dhe kostot e ndërtimit të saj u rikuperuan brenda disa muajsh.

Në të njëjtën kohë, Watkin po kërkonte mënyra për të tërhequr më shumë pasagjerë në Hekurudhën e tij metropolitane.

Rruga Press