4 milionë euro për pistë vrapimi, Veliaj i jep kontratën kompanisë që ofroi 200 mijë dollarë më shumë

Bashkia e Tiranës do të japë 4 milionë euro për një pistë vrapimi dhe korsi biçikletash në liqenin e farkës. Pikërisht në zonën ku kanë nisur komplekset luksoze të vilave, Veliaj ka vendosur të  shpenzojë një fond goxha të lartë

Katër milionë euro do të shpenzojë Bashkia e Tiranës për ndërtimin e një piste vrapimi dhe korsie biçikletash në liqenin e farkës. I kthyer tashmë në një kompleks rezidencash lejet e të cilave i ka dhënë Erion Veliaj, dhe ku parashikohet të vijojnë ndërtime të tilla, bashkia vendos të harxhojë dhe miliarda lekë në këtë zonë.

Shqetësim nuk është vetëm ky shpenzim që del nga taksat e gjithë banorëve të tiranës.

Fituesit e tenderit janë bashkim operatorësh. por sipas dokumenteve zyrtare një prej pjesëmarrësve në garë nuk ka dhënë fare ofertë dhe një tjetër ka kërkuar rreth 200 mijë dollar më pak. E çuditërisht edhe ky subjekt është skualifikuar pasi nuk kishte dorëzuar preventive.

Megjithatë tashmë janë 4 milionë euro që do të shpenzohen për të realizuar në liqenin e farkës, korsi biçikletash dhe pistë vrapimi. Kjo shumë kolosale do të përdoret për të realizuar këto punime siç duken në pamjet 3 d të paraqitura nga bashkia,

Ndërsa në këtë tjetër fotot shihen qartë komplekset luksoze që kanë nisur të zënë vend

Sigurisht që nuk jemi kundër zhvillimit, por duket se edhe në këtë prokurim Bashkia e Tiranës lë dyshime për procedurat./ora/

Rruga Press