Suedia punëson sorrat për një punë specifike

Ndodh në Suedi. Sorrat po rekrutohen për të marrë bishtat e cigareve të hedhura nga rrugët dhe sheshet e një qyteti suedez si pjesë e një përpjekjeje për uljen e kostove.

Zogjtë e egër e kryejnë detyrën pasi marrin pak ushqim për çdo bisht cigareje që e depozitojnë në një makinë me porosi të krijuar nga një startup në Södertälje, afër Stokholmit.

“Ata janë zogj të egër që marrin pjesë në baza vullnetare,” tha Christian Günther-Hanssen, themeluesi i Corvid Cleaning, kompania që qëndron pas metodës.

Fondacioni Keep Sëeden Tidy thotë se më shumë se 1 miliard bishta cigaresh lihen në rrugët e Suedisë çdo vit, që përfaqëson 62% të të gjithë mbeturinave. Södertälje shpenzon 20 milion korona suedeze (1.6 milion £) për pastrimin e rrugëve.

Günther-Hanssen vlerëson se metoda e tij mund të kursejë të paktën 75% të kostove që lidhen me marrjen e bishtave të cigareve në qytet.

Södertälje po kryen një projekt pilot përpara se të hapë operacionin në të gjithë qytetin, ku shëndeti i zogjve është konsiderata kryesore duke pasur parasysh llojin e mbetjeve të përfshira.

Rruga Press