25 vite më parë, ngjarje tragjike në Guatemala-Kosta Rika: 83 njerëz të vdekur!
Më 16 tetor 1996, një ngjarje tragjike ka ndodhur në Guatemala City. Ishte planifikuar për t’u zhvilluar një ndeshje kualifikuese për botërorin në “Francën ’98”, për zonën e Amerikës Qendrore dhe asaj Veriore, midis Guatemalës dhe Kosta Rikës.
Kishte një interes të jashtëzakonshëm nga publiku për të parë përballjen, shumë më të madh se sa kapaciteti i mundshëm i “Estadio Mateo Flores”: 50 mijë njerëz, përpiqeshin të hynin në një stadium me 38 mijë vende.
Ndërsa kishte një orë që luhej, ndodh tragjedia, me qindra njerëz të shtypur në kangjellat. Policia përpiqet të shpëtojë atë që mund të shpëtohet, duke hapur dyert e brendshme dhe duke lejuar që turma të derdhet në fushë, ndërsa ata që ishin ende jashtë stadiumit u kthyen.
Bilanci ishte tragjik: 83 persona humbën jetën nga mbytja, rreth 200 njerëz të tjerë mbetën të plagosur. Përfundimisht, u zbulua se numri i biletave të shitura e tejkalonte shumë kapacitetin e stadiumit.
Rruga Press