Kamioni varet mbi shkëmbin 330 metra të lartë, pamjet dramatike të shpëtimit

Disa pamje filmike të regjistruara në Kinë tregojnë se një kamion ishte afër rënies nga një shkëmb 330 metra i lartë. Ngjarja ka ndodhur më 1 janar në qytetin Changzhi në provincën Shanxi në Kinën Veriore.

Zyrtarët thanë se shoferi përfundoi në rrugën e ngushtë malore pasi shoferi po ndiqte navigimin në telefonin e tij.

Teksa rruga bëhej më e ngushtë, shoferi vendosi që të kthehej, por e kishte të pamundur që ta kthente kamionin në rrugën e ngushtë malore.

Ai filloi të ecte mbrapsht duke u përplasur disa herë me shkëmbinjtë. Një nga rrotat e kamionit rrëshqiti nga rruga duke e lënë automjetin të varur në mënyrë të rrezikshme mbi shkëmb. Shoferi dhe pasagjeri arritën të dilnin nga kamioni.

Ekipet e shpëtimit përdorën 3 kamionë shpëtimi për të tërhequr mjetin përsëri në rrugë.