Beomni, roboti që mund ta kontrollosh nga kudo në botë

Kompania “Beyond Imagination” ka prezantuar robotin e tij “Beomni” për publikun për herë të parë. Me një fytyrë miqësore, dy krahë dhe një ekran në gjoks, roboti lëviz me rrota dhe veprimet e tij mund të kontrollohen nga një person që përdor kufje dhe doreza nga kudo në botë.

Harry Kloor, themeluesi kryesor i Beyond Imagination, thotë se një nga gjërat e para që dëshiron të bëjë me një robot Beomni është ta vendosë atë në shtëpinë e nënës së tij të moshuar, në mënyrë që të mund të kujdeset për detyrat nga larg. Por Beomni nuk ka të bëjë vetëm me trajtimin e punëve të lidhura me Tokën. Beyond Imagination planifikon të ndërtojë një version të aftë për të kryer punën hapësinore të ardhme, shkruan CNET.

Robotët do të jenë në gjendje të mësojnë me kalimin e kohës, thotë kompania, dhe robotët e parë Beomni duhet të jenë të disponueshëm në vitin 2023.

Rruga Press