Mbi 78 mijë qytetarë të Kosovën kanë marrë dozën e dytë të vaksinës kundër COVID-19

Në Kosovë është duke vazhduar procesi i vaksinimit të qytetarëve me vaksinën kundër COVID-19.

Tashmë që nga fillimi i procesit të vaksinimit deri më sot rreth 78 mijë qytetarë kanë marrë dy doza të vaksinës anti-Covid. Vetëm në 24 orët e fundit janë dhënë 11.513 doza të vaksinës kundër COVID-19.

Nga të dhënat e publikuara nga Ministria e Shëndetësisë dhe Instituti Kombëtar i Shëndetësisë Publike të Kosovës (IKShPK) deri tani në të gjithë Kosovën rezulton se janë dhënë 293 mijë e 693 doza vaksine në total.

Pak ditë më parë Ministria e Shëdnetësisë njoftoi se vaksina do të jetë e disponueshme për të gjithë personat mbi 18-vjeç.

Rruga Press