Lajme

Video/Polici pa numër identifikimi aksidenton qytetarin që po lëvizte me motorr, duke ia hapur derën e makinës

Rruga Press mëson se efektivët e Policisë së Shtetit sapo kanë shkaktuar aksident në Rrugën Ismail Qemali, në Tiranë, pranë Gjykatës së Apelit, duke lënë me lëndime të lehta një qytetar që po lëvizte me motorr.

Mësohet se polici e ka ndaluar makinën në rrugë dhe në momentin që ka hapur derën e shoferit ka përplasur qytetarin që po ecte me mjetin motorrik.

Lexo më shumë  Osmani nga Samiti për Ukrainën: Do ta ndajmë tregimin e Kosovës – nga zero në model të demokracisë

Në momentin e përplasjes ai është goditur nga motorri i tij, duke marrë lëndime në këmbë.

Gjithashtu, policia ka bërë edhe një shkelje tjetër, duke e lëvizur makinën që shkaktoi aksidentin përpara se të kryhej ekspertiza hetimore.

Nga ana tjetër, polici që ka shkaktuar aksidentin nuk ka qenë i pajisur me numër identifikues në uniformën e tij, shkelje e rëndë kjo, e cila kërkon hetim që lidhet jo vetëm me aksidentin, por edhe me ushtrimin e detyrës së personit zyrtar.

Polici që shkaktoi aksidentin dhe i papajisur me numrin zyrtar identifikues

Qytetari e ka marrë ndihmën e parë nga efektivët e policisë dhe më pas është shoqëruar për në spital nga ambulanca.

Lexo më shumë  Kurti pret në takim Sekretaren e Përgjithshme të VEF, bisedohet për avancimin e Kosovës në këtë organizatë

©Rruga Press

YouTube player

Leave a Reply

Your email address will not be published. Required fields are marked *