Dëbora bllokon Thethin, banorët marrin mjetet dhe dalin për të zhbllokuar rrugët, asnjë masë nga ARRSH

Për shkak të dëborës Thethi është bllokuar nga bora. Fshati turistik as këtë dimër nuk u ka shpëtuar bllokimeve edhe pse kishte shpresë se me rregullimin e rrugës së re, ky problem do të merrte fund.

Burime për Ora News, bëjnë me dije se banorët po ndërhyjnë vetë për zhbllokimin e saj me mjete personale dhe një borëpastruese, ndërsa ARRSH vijon të mos e ‘kthejë’ kokën nga qytetarët që kanë mbetur të izoluar.

Siç shihet në videon e siguruar nga Ora News, qytetarët po përpiqen që ta zhbllokojnë vetë rrugën, në mënyrë që makinat të lëvizin.

“Po e tërheqim ja, ja çfarë bëjmë ne tani. Ne po vazhdojmë të shkojmë në qafë Thore të marrim makinat private. Ja si po e hapim rrugën sepse makinat mbrapa janë shumë të vogla.”- shprehen banorët.

Ndërkohë mësohet se edhe pse shumë turistë vendas e të huaj këtë vit kanë zgjedhur Thethin, si destinacion për turizmin e bardhë ata janë kthyer pasi rruga është e pakalueshme.

Rruga Press