Ndihma ekonomike, 8.5 herë më e ulët se sa u duhet familjeve në nevojë

Çdo familje shqiptare që trajtohet me ndihmë ekonomike, merr 8,5 herë më pak se nevojat që ka. Aktualisht një familje trajtohet me asistencë sociale në vlerën e 9 861 lekëve, ndërsa nevojat sipas Anketës së Buxhetit për vitin 2020 të realizuar nga Instituti i Statistikave janë mesatarisht 83.475 lekë.

Kjo nevojë bëhet edhe më e madhe në Tiranë, ku një familje i duhen 98.737 lekë në muaj. Pra për një familje me 4 anëtarë, çdo pjesëtari i duhen çdo muaj 24 684 lekë ose 8,220 lekë çdo ditë. (Grafik anketa e buxhetit të familjet për vitin 2020.

Në këtë përllogaritje përfshihen nevojat për ushqim, pije, strehim, veshje, transport, komunikim, arsimim, përkujdesje shëndetësore dhe nevoja të tjera.

Nga ana tjetër, sipas të dhënave të INSTAT, çdo anëtar i një familje me 4 pjesëtarë merr si ndihmë ekonomike 2 465 lekë në muaj ose 82 lekë në ditë.

Ndonëse ka pësuar rritje nga viti në vit, vlera e kësaj forme përkujdesje sociale mbetet e pamjaftueshme. Nga 5 247 lekë që merrte mesatarisht një familje në vitin 2018, shifra arriti në  9 861 këtë vit, kjo si një mënyrë për të amortizuar efektet e pandemie dhe shtrenjtimit të skajshëm të çmimeve të produkteve dhe shërbimeve.

Pandemia Covid-19, po thellon përherë e më shumë varfërinë në vend. Zgjerimi i këtij hendeku po shfaqet edhe në rritjen e numrit të familjeve që trajtohen me ndihmë ekonomike, për shkak të pamundësive financiare për të mbijetuar.

Referuar të dhënave nga Instituti i Statistikave, në vitin 2018 përfitonin këtë trajtim  53 114 familje, ndërsa shifra arriti në 64 710 në fundin e qershorit të këtij viti.

Rruga Press