Publikohen pamjet që pretendohet se shfaqin momentin, kur pjesëtari i Gardës Nacionale në Ukrainë qëllon për vdekje pesë ushtarë
Një video që po qarkullon në rrjetet sociale, pretendohet se shfaq momentin kur pjesëtari i Gardës Nacionale të Ukrainës, qëllon me pushkë automatike kallashnikovë kolegët e tij në një fabrikë të municionit në Dnepr.
Si pasojë e këtij sulmi të përgjakshëm, kanë humbur jetën pesë ushtarë dhe disa tjerë janë plagosur, kurse autori i krimit që ishte arratisur me shpejtësi disa minuta më vonë ishte arrestuar nga policia, transmeton Telegrafi.
Deri më tani nuk dihen motivet e sulmit brenda fabrikës së municionit, por këto vrasje kanë ndodhur në kohën kur janë rritur tensionet mes Ukrainës dhe Rusisë, e cila po kërcënon me invazion.
Stabilized footage of Ukrainian National Guard member, Artem Ryabchuk, who shot five people at aerospace factory in Dnepr yesterday. #Ukraine
— Sk Boz, PhD 💙 (@skbozphd) January 27, 2022
Warning: Blood and Graphic violence pic.twitter.com/xFzMlalRkZ
Në videon e publikuar më poshtë që pretendohet se janë marrë nga kamerat e sigurisë, shfaqin ushtarin Artem Rabchuk duke qëlluar për vdekje pesë ushtarë. Deri më tani nuk është konfirmuar autenticiteti i videos nga organet e sigurisë.
Madje në një moment ai ndërron karikatorin për të vazhduar “luftën” e tij. E organet e sigurisë kanë njoftuar se ai kishte 200 fishekë në kohën kur po kryente pamëshirshëm vrasjet.
Rruga Press