33 mijë shqiptarë paguajnë kontribute shtesë për të përfituar pension

Çdo person mund të bëhet pjese e skemave private për të përfituar pension shtesë, përveç pensionit të detyrueshëm shtetëror.

Individi paguan çdo muaj një shumë parash në formë vullnetare, dhe këto para i rimerr së bashku me interesat kur del në pension.

Tërheqja e pensionit pas plotësimit të moshës, bëhet menjëherë ose në formën e pagesave mujore. Në rast fatkeqësie shumat e patërhequra janë pronë e trashëgimtarëve.

Sot janë 33 mijë individë në skemën e pensioneve private, dy herë më shumë se në vitin 2016.

Ky numër është sa 2.7% e të punësuarve në vend.

Në një masë të madhe, këto fonde po nxiten nga ndërmarrjet private që jepen në formën e përfitimeve për punonjësit.

Tregu i pensioneve private në Shqipëri është hapur një dekadë më parë, kur Bankat dhe Shoqëritë e Sigurimit dhanë garanci për të ruajtur fondet e individëve, për t’i rikthyer ato në vitet e pensionimit.

Vlera e  përgjithshme e aseteve ka arritur 35 milionë euro./euro/

Rruga Press