Blinken pas takimit me Lavrov: Problemin ukrainas mund ta zgjidhim me diplomaci ose konflikt

Sekretari amerikan i Shtetit, Antony Blinken, iu drejtua mediave pas takimit të sotëm me ministrin e Jashtëm rus në Gjenevë dhe prezantoi pikëpamjen për negociatat disajavore me Rusinë rreth kërkesave të sigurisë.

Blinken tha në fillim të konferencës se takimi me Lavrov ishte më se domethënës.

“Ne folëm nëse Rusia është e gatshme për një zgjidhje diplomatike të problemit dhe për uljen e tensioneve. Biseda me Lavrov ishte e kuptimplotë. Unë shpreha pikëpamjet e Shteteve të Bashkuara dhe Bashkimit Evropian dhe theksova se jemi me Ukrainën. Ne ishin të qartë se çdo pushtim rus në Ukrainë do të rezultojë në një përgjigje vendimtare dhe të unifikuar”, tha Blinken.

Ai theksoi se Shtetet e Bashkuara dhe aleatët evropianë janë të gatshëm të bisedojnë në baza dhe parime të barabarta.

“Ne jemi gati të reduktojmë rrezikun, të forcojmë kontrollin e armëve dhe të forcojmë besimin. Unë kam paraqitur disa ide për të ulur tensionet në Evropë dhe në botë dhe besoj se mund të gjejmë një zgjidhje të përbashkët të bazuar në reciprocitet”, tha ai.

Blinken theksoi gjithashtu se populli ukrainas ka të drejtë të vendosë vetë për fatin e tij.

Në fund, Blinken tha se ishte i kënaqur me takimin dhe se po kthehej në Uashington me shumë tema për të menduar.

Rruga Press