Mbytet anija me emigrantë, viktima dhe të humbur

January 21, 2022 user 1

Katër persona kanë humbur jetën pas fundosjes së një anijeje me emigrantë në qytetin tunizian Sfax, sipas autoriteteve të vendit.

Viktimat ishin tunizianë ndërkohë midis tyre ishte një vajzë 10 vjeçare Njëkohësisht vijojnë hetimet për njëmbëdhjetë të humbur.

Sipas dëshmitarëve, në bord ndodheshin 32 emigrantë, të gjithë tunizianë, ndërkohë 21 prej tyre fatmirësisht kanë shpëtuar.

Lexo më shumë Ukraina thotë se ka shkatërruar një të tretën e flotës ruse të Detit të Zi

Sipas Komisionerit të Lartë të Kombeve të Bashkuara për Refugjatët (UNCHR), më shumë se 2,500 persona janë zhdukur gjatë vitit 2021 duke u përpjekur të arrinin në Europë përmes Mesdheut.

Nga më shumë se 115,000 emigrantë që mbërritën në Europë vitin e kaluar, më shumë se 20% ishin nga Tunizia.

Vendi, i cili ishte djepi i Pranverës Arabe në vitin 2011, po kalon një krizë të rëndë politike pas vendimit të Presidentit Kais Sayed më 25 korrik për të marrë të gjithë pushtetin, duke rrëzuar kryeministrin e atëhershëm dhe duke pezulluar veprimtaritë e parlamentit.

Lexo më shumë Ukraina përgatit terrenin për sulme në Krime pas mbërritjes së aeroplanëve luftarakë F-16

Rruga Press