Osmani, Konjufca e Kurti në Reçak, dëgjojnë rrëfimet e të mbijetuarve të masakrës

Presidentja e Kosovës, Vjosa Osmani, bashkë me kryeparlamentarin Glauk Konjufca dhe kryeministrin, Albin Kurti, kanë qëndruar të shtunën në Reçak, në përkujtim të masakrës së luftës që ka ndodhur në këtë fshat, 23 vjet më parë.

Presidentja Osmani ka thënë se bashkë dëgjuan rrëfimet e tmerrit të të mbijetuarve të kësaj masakre.

“Sot në vendin e ngjarjes, te Kodra e Bebushit, aty ku ndodhi masakra e Reçakut, dëgjuam rrëfimet e tmerrit të të mbijetuarve të masakrës. Lavdi e përjetshme të gjithë të rënëve për lirinë e Kosovës”, ka shkruar Osmani në Facebook.

Rruga Press