Mutacioni i Covid në Angli, ekspertët: Nuk i prisnim këto ndryshime, por janë interesante

Mutacioni i Covid-19 po kthehet në një çështje shqetësuese në Angli. Sipas mediave të huaja një mutacion i virusit mund të përmbys rrënjësisht rrjedhën e ngjarjeve dhe të rrëzojë të gjitha kërkimet dhe arritjet e deri tanishme për të mundur Covid-19. Në lidhje me këtë kanë folur edhe disa ekspertë nga Anglia. Profesor Nick Loman u shpreh se në këtë virus ka një numër të madh të mutacionëve gjë që nuk pritej.

“Çuditërisht ka një numër të madh mutacionesh, më shumë seç pritej, dhe disa duken interesante,” tha Loman.

Një tjetër profesor nga Anglia ka folur në lidhje me mutacionet e mundëshme që ka një virus. Profesor Alan McNally deklaroi se ende nuk dihet asgjë mbi variantin e ri të Covid dhe se është ende herët për të dal në ndonjë përfundim.

“Ne e dimë se ekziston një variant mutacioni, por nuk dimë asgjë se çfarë do të thotë ajo biologjikisht. Është shumë herët për të dalë  në ndonjë përfundim se sa e rëndësishme mund të jetë mutacioni,” tha ai.

Deri tani të paktën 1.000 njerëz janë raportuar të infektuar me mutacionin e Covid-19 që nga fillimi i tij në fund të muajit shtator. Ndërkohë që ekziston një shqetësimi se lloji i mutacionit mund të jetë një formë që nuk njihet mirë nga sistemi imunitar dhe se vaksinat anti-Covid mund të mos jenë efektive në luftimin e tij.