Shqipëria mes 10 shteteve të para për kërkesat për azil në vendet e BE-së

January 12, 2022 user 1

Shqipëria renditet mes 10 shteteve të para në botë që kanë kërkuar azil në vendet e Bashkimit Evropian në muajin tetor të vitit 2021.

Zyra Evropiane për Mbështetjen e Azilit bën me dije se në total gjatë këtij muaji janë depozituar në vendet e BE-së 65.400 kërkesa për azil, duke shënuar një rënie prej 8 për qind në krahasim me shifrat e shtatorit.

Lexo më shumë "Opozitë si pulë pa kry", Pozhari: Thonë se është korrupsion publik në prag të zgjedhjeve e për vete ndanë dhjetëra miliona për oligarkët në prag të zgjedhjeve

Shtetasit nga Afganistani zënë vendin e parë në botë për numrin e azilkërkuesve, por ndërkohë është shënuar rënie me 6.000 aplikime në krahasim me muajin shtator. Të dhënat për nëntor e dhjetor ende nuk janë publikuar.

Sipas të dhënave, shtetasit e Shqipërisë kanë bërë 1.500 kërkesa për azil në shtetet e BE-së dhe me këtë mbajnë vendin e dhjetë. Në vend të parë, janë shtetasit e Afganistanit me 11.300 kërkesa, pasuar nga ata të Sirisë (10.600), Irakut (3.100), Turqisë (2.600), Venezuelës (2.500), Bangladeshit (2.400), Pakistanit (2.300), Kolumbisë (1.800) dhe Gjeorgjisë (1.700) që mban vendi e nëntë në këtë renditje.

Lexo më shumë "Krijues të grupit kriminal!" SPAK pranon propozimin e GJKKO-së, rikualifikohet akuza për Beqajn, Rrapajn dhe Rrjepajn

Rruga Press