Gazi i hedhur nga njerëzit e Bashës futet edhe brenda selisë, persona brenda ndihen keq
Lulzim Basha ka përdorur një sasi gazi lotsjellës të jashtëzakonshëm, duke harruar se gazi hyn dhe depërton kudo, ndaj një pjesë e konsiderueshme e këtij gazi, ka hyrë brenda selisë, duke bërë që njerëzit që ndodheshin aty të ndihen keq, madje ka raportime se është kërkuar edhe ambulanca.
Ky ka qenë momenti kur është kërkuar ndihma e policisë, për të bërë të mundur daljen jashtë nga selia.
Ndërkohë, protestuesit janë shpërndarë sapo ka mbërritur policia. Berisha ka vijuar qëndrimin me kundragaz në shkallët e selisë dhe më pas është larguar.
Gjatë protestës është përdorur dhunë, nga persona brenda selisë, të cilët kanë përdorur shkopinj për të goditur protestuesit.
Kujtojmë se Lulzim Basha, ka qenë mjaft kritik ndaj ish ministrit të brendshëm Sandër Lleshi, kur ky i fundit përdorte gaz lotsjellës ndaj protestuesve demokratë. Sot, Basha ka bërë të njëjtën gjë, duke hedhur gaz ndaj demokratëve, duke dëmtuar padashur edhe deputetët, mbështetësit e tij, por edhe veten!
Rruga Press