Hidhet gaz lotsjellës nga taraca e kryeministrisë, protestuesit nuk tërhiqen

December 9, 2020 user 1

Teksa situata është tensionuar para kryeministrisë, mësohet se Forcat Speciale kanë lëshuar gaz lotsjellës.

Mësohet se nga taraca e kryeministrisë, Forcat Speciale kanë lëshuar gaz lotsjellës, duke bërë që një pjesë e madhe e protestuesve të largohen nga sheshi para kryeministrisë drejt bulevardit.

Në deklarimet që japin protestues të rastësishëm ata shprehen se nuk kanë ndërmend të largohen.

Lexo më shumë Kreu i Unionit të Gjyqtarëve në Shqipëri: Ligji për pagat bie ndesh me Kushtetuesen. Që nga 2019-ta na është ulur rroga 19 %

Tashmë ata po përpiqen që të pastrohet ajri dhe afron përsëri para godinës kryesore qeveritare. Protestuesit tentuan të hapin dyert e kryeministrisë, duke i goditur ato me mjete të forta.

Forcat e Ndërhyrjes së Shpejtë u vendosën në hyrje të kryeministrisë dhe hodhën fillimisht spraj dhe më pas gaz lotsjellës.

Pasi u përplasën me kordonin e Policisë përpara Ministrisë së Brendshme, protestuesit u zhvendosën te kryeministria.

Lexo më shumë Kurti bën homazhe për vëllezërit Bytyqi në New York: Drejtësia ende mungon, do ta kërkojmë bashkë me SHBA-në