Nis aksioni në Vlorë, RENEA “blindon” qytetin

Forcat RENA së bashku me policinë e Vlorës kanë nisur sot në mbrëmje një aksion për vendosjen para drejtësisë personave në kërkim, me rrezikshmëri të larët por dhe armëmbajtje pa leje.

Gazetari Elton Nikaj, raporton se dy furgona me forca të ardhura nga Tirana po bëjnë kontrolle nëpër kryqëzime rrugësh, por dhe nëpër lagje apo bllok pallatesh ku mendohet se qëndrojnë persona të tillë. Aksioni ka ardhur pas ngjarjeve të fundit në qytetin e Vlorës.

Sakaq, aksion nga RENEA mbrëmjen e sotme po zhvillohet edhe në qytete të tjera të vendit, si Elbasan edhe Shkodër, ku ka pasur edhe të shoqëruar.

Kujtojmë se ditën e djeshme drejtori i Përgjithshëm i Policisë së Shtetit Gledis Nano zhvilloi gjatë një takim me drejtorët e Departamenteve dhe Drejtorët Vendorë të Policisë. Fokus i takimit ishte marrja e masave të menjëhershme për parandalimin e ngjarjeve kriminale, kapjen e personave në kërkim dhe të atyre që qarkullojnë me armë zjarri me vete.

Katër ishin porositë e drejtorit për policinë; zbardhja e ngjarjeve kriminale, bashkëpunimi për kapjen e personave me precedentë, bllokimi i makinave të vjedhura dhe parandalimi i aksidenteve.

Rruga Press