Ndahet nga jeta Chuck Yeager, piloti i parë që theu barrierën e zërit

Legjenda e aviacionit amerikan Chuck Yeager, piloti i parë që theu barrierën e zërit, ka ndërruar jetë në moshën 97-vjeçare. Njoftimi për vdekjen u bë nga gruaja e tij Victoria, në profilin e Twitter-it të ish-pilotit.

“Me hidhërim të thellë – tha ajo – duhet t’ju them se dashuria e jetës sime, gjenerali Chuck Yeager, vdiq pak para orës 21:00”.

I konsideruar nga shumë njerëz si një nga heronjtë e fundit, ai kishte një jetë intensive, fluturonte në misione luftarake që nga Lufta e Dytë Botërore në Vietnam, ku përfundoi 127 misione në bombardimet B-57.

Yeager, në komandën e Bell X-1, theu murin e zërit më 14 tetor 1947, duke arritur 1,299 km/h. Sapo ndërmarrja sekrete doli në shtyp, Yeager u bë një yll në kopertinën e “Time”.