E rëndë/ 10 aksidente në ditët e para të 2022-it, 1 viktimë, 14 të lënduar
TIRANË– 10 aksidente në tre ditët e para të vitit 2022 kanë ndodhur në Shqipëri. U plagosën 14 persona, mes tyre edhe një vajzë vetëm 5 vjeç ndërsa nuk munguan viktimat. Në ditët e para të vitit nuk kishte ngjarje të rëndë, mirëpo nga dita në ditë aksidentete pasuan njëra tjetrën, derisa sot në orën 11:00, ndodhi aksidenti me viktimën e parë të vitit.
14 ishin personat që mbetën të plagosur nga aksidentetet, fatmirësisht pa rrezik për jetën. Viktimë nga aksidenti në Dibër që ndodhi ditën e sotme mbeti një person dhe tre të tjerë të lënduar.
Data 1 janar 2022.
Në Elbasan. Në mesditë një makinë përplasi 15-vjeçarin. I mituri nuk mori lëndime të shumta nga përplasja, duke mos iu rrezikuar jeta.
Data 2 Janar 2022.
Në Lezhë. Në fshatin Rrile një automjet përfundoi në kanal pasi tentoi parakalimin e një tjetër makine.
Në Fushë-Krujë. Aksident i trefishtë ndodhi në aksin rrugor Fushë Krujë-Thumanë duke lënë të dëmtuar një prej pasagjereve e cila që ndodhej në automjetin që drejtonte personi me inicialet P. GJ.
Në Lushnje. Në kryqëzimin e Savrës mbetën të lënduar tre persona, pas përplasjes së dy makinave.
Në Vlorë. Në aksin Vlorë-Fier, pranë mbikalimit të Novoselës një mjet i llojit “Mercedez Benz” ka ecur mbrapsht dhe është përplasur nga një tjetër makinë. Një mjet i tretë ka devijuar për të shmangur përplasjen me dy makinat e aksidentuara dhe ka përfunduar jashtë rruge. E plagosur mbeti një grua.
Data 3 Janar 2022.
Në Sarandë. Një 40-vjeçar humbi kontrollin e makinës e për pasojë dali nga rruga. Nga aksidenti ka mbetur e plagosur bashkëshortja e tij, 37-vjeçarja dhe vajza e tyre vetëm 5 vjeçe.
Në Durrës. Në lagjen Nr.13, dy persona kanë mbetur të lënduar pas përplasjes së automjeteve. Të lënduarit janë dërguar në spital aty ku ndodhen nën kujdesin e mjekëve.
Dy aksidente në Bulqizë. Në aksin rrugor Bulqizë-Fushë Bulqizë në vendin e quajtur “Pishat” një makina tip “ Fuoristradë” dhe një tjetër tip “Suzuki” kanë dalë nga rruga.
Në Dibër. Një person ndërroi jetë pas aksidentit të ndodhur në Peshkopi-Maqellarë ditën e sotme. Në orën 11:30, doli nga rruga mjeti tip ‘Volksëagen Pasat’, dhe për pasojë ka humbur jetën personi me inicialet E. H., si dhe kanë mbetur të lënduar dhe pasagjerët që udhëtonin në automjet P. H., D. H., dhe A. H., të cilët janë transportuar për ndihmë mjekësore në spital.
Rruga Press