Maduro zgjedhje si Rama në 2019, Pompeo: Votimet njëpartiake, një farsë

December 7, 2020 user 1

Sekretari Amerikan i Shtetit Mike Pompeo reagon pas zgjedhjeve në Venezuelë.

Sipas numrit dy të Shtëpisë së Bardhë, zgjedhjet ku marrin pjesë vetëm një palë nuk janë zgjedhje por një farsë.

“Mashtrimi elektoral i Venezuelës është kryer tashmë. Rezultatet e shpallura nga regjimi i paligjshëm Maduro nuk do të pasqyrojnë vullnetin e popullit të Venezuelës. Ajo që po ndodh sot është një farsë, jo zgjedhje”, shkruan Pompeo në Twitter.

Lexo më shumë Zelensky thotë se është duke punuar në një ‘plan gjithëpërfshirës’ për paqen në Ukrainë

Qëndrim i fortë dhe i qartë ky i SHBA-ve, por që nuk ishte i tillë kur më 30 qershor 2019, në Shqipëri, futej në zgjedhje vetëm mazhoranca, ndërsa opozita i bojkotoi ato.

Në Venzuelë, presidenti Nicolás Maduro pritej të rifitojë kontrollin e Asamblesë Kombëtare teksa opozita e mbështetur nga SHBA u kërkoi votuesve të bojkotojnë zgjedhjet (njësoj si në Shqipëri në 30 qershor 2019).

Lexo më shumë Tanku i vlerësuar nga më të mirët e Rusisë dështoi keq ndaj atij të prodhuar nga Amerika – pamje nga fusha e betejës në Ukrainë

Juan Guaido dhe aleatët e tij refuzuan zgjedhjet, duke thënë se ata nuk besojnë se Maduro mund të organizojë zgjedhje të lira e të ndershme, raporton Ora News.

Në mungesë të tyre, shumica e kandidatëve janë aleatë ose mbështetës të Maduro.