Arrestohet në Kosovë ish-anëtari i Bandës së Durrësit

Indrit Taullai i njohur si ish-anëtar i Bandës së Durrësit është arrestuar në Kosovë.

Deri tani nuk dihen shkaqet e arrestimit nga policia e Kosovës, por mësohet se ka ardhur me kërkesë të Interpol Tiranës.

Aktualisht nga autoritetet kosovare po bëhen procedurat për dorëzimin tek policia shqiptare të ish- anëtarit të Bandës së Durrësit.

Taullai është arrestuar edhe më parë si pjesëtar në organizatë kriminale, ndërkohë që në vitin 2017 i shpëtoi burgimit të përjetshëm duke u dënuar me 25 vite burg, por më pas fitoi lirimin me kusht për arsye shëndetësore.