Festë pa turistë, Betlehemi përgatitet për Krishtlindjet e dyta në pandemi

Sheshi Manger ishte thuajse bosh këtë të premte, kur Betlehemi, i njohur si vendlindja e Jezusit, nisi celebrimet për festën e Krishtlindjeve. Por, ashtu si vitin e kaluar, kufizimet nga pandemia koronavirus dhe shfaqja e variantit të ri, Omicron, ka zbehur paksa atmosferën.

“Është viti i dytë në Betlehem që festojmë Krishtlindjet pa praninë e turistëve nga e gjithë bota. Çdo vit kemi festuar Krishtlindjet me besimtarë nga e mbarë bota. Shpresoj që vitin tjetër të kthehen turistët dhe besimtarët që të festojnë me ne”, u shpreh Rula Ma’ayah, ministre e Turizmit e Palestinës.

“Shpresojmë që të kemi sukses dhe ta mbajmë situatën shumë të qetë, paqësore dhe të mos kemi njerëz të infektuar me virus si rezultat i procedurave që po ndërmarrim në sheshe dhe rrugët e qytetit”, tha Anton Salman, kryebashkiak i Betlehemit.

“Atmosfera është e trishtë, nuk është si vitet e kaluara kur turistët vinin në masë këtu në Betlehem. Koronavirusi dhe varianti I ri na ka dëmtuar ne, shumë madje”, tha Bashiral-masri, banor i Betlehemit.

Banorët shpresojnë që lëvizja të mos kufizohet për festa, por Izraeli ka mbyllur kufijtë për të huajt deri në fund të dhjetorit për të parandaluar përhapjen e Omicron. Pavarësisht kësaj, celebrimet në qytezën ikonike nuk do të ndalen. Patriarku latin i Jeruzalemit, Pierbattista Pizzaballa do të drejtojë festimet e kufizuara të këtij viti. Në meshën tradicionale të mesnatës në Kishën e Lindjes, do të mungojë presidenti i Palestinës, Mahmou Abbas, i cili ka qenë vazhdimisht prezent./a2/

Rruga Press