I kërkuan 20 mijë euro për riparim, finlandezi hedh në erë makinën/video

Tuomas Kataine, një banor në Finlandë dhe pronar i një Tesla Model S, i shpëtoi kostove të riparimit të kërkuara nga kompania amerikane dhe vendosi të hidhte në erë makinën e tij.

Makina,  një model i vitit 2013, kishte shfaqur disa probleme dhe indikacionet në ekran, sipas shpjegimeve të pronarit, që e detyruan atë të vizitojë koncesionarin zyrtar për një kontroll të përgjithshëm. 

Garancia 8-vjeçare kishte skaduar dhe Tesla e informoi pronarin se bateria e makinës duhet të ndërrohet plotësisht me një kosto totale mbi 20,000 euro. 

Ai u zemërua nga shuma e madhe, por edhe nga fakti që Tesla-s iu desh më shumë se një muaj për t’iu përgjigjur problemit dhe vendosi që jo vetëm të mos e rregullonte, por ta hidhte në erë. 

Ai bleu 30 kilogramë dinamit, e la makinën në një vend të shkretë dhe me borë dhe vendosi një bedel të Elon Musk në sediljen e shoferit. 

Shpërthimi mbresëlënës është regjistruar dhe postuar në Youtube nga pronari.

Rruga Press