Për herë të parë në 80 vjet ndodh dukuria e veçantë me borën në Rusi

Qytetet janë mbushur me drita për festa, por në pjesën e largët të Rusisë biologët po shohin vezullime festive në dëborë.

Kjo u vëzhgua nga biologët që punonin në Arktik në brigjet e Detit të Bardhë, të cilët vunë re drita të zbehta blu që shkëlqenin në pluhurin e bardhë të borës.

Vera Emelianenko, mikrobiologe, mblodhi një pjesë të borës, e vendosi nën një mikroskop dhe zbuloi se shkëlqimi ishte nga gjallesat e vogla biolumineshente të quajtura “copepods”.

Të quajtura “insekte të detit”, këto krijesa zakonisht gjenden në oqean në thellësi deri në 300 feat (90 metër) gjatë ditës dhe më pas vetëm disa metra gjatë natës.

Ksenia Kosobokova, një eksperte për zooplanktonin detar të Arktikut në Akademinë e Shkencave të Rusisë në Moskë, tha për National Geographic se ” copepods” ka të ngjarë të jenë kapur nga një rrymë e fuqishme në Detin e Bardhë që i solli në breg.

Baticat më 1 dhjetor, kur bora shkëlqyese ra për herë të parë, ishin jashtëzakonisht të larta dhe përsëri më 16 dhjetor, gjë që sugjeron se baticat më të forta i detyruan “copepods” të zbresin në tokë – kjo specie e “copepods” quhet Metridia longa.

Biolumineshenca është një fenomen natyror që shkaktohet nga një reaksion kimik.

Kjo ndodh kur energjia kimike mbulohet nga energjia e dritës, gjë që ndodh vetëm në një krijesë e cila ka një molekulë të quajtur luciferinë.

Kur luciferina reagon me oksigjenin, krijon energji drite që duket si një shkëlqim mahnitës.

“Copepods” që shkëlqenin në dëborë besohej se ishin të gjallë kur Kosobokova i vuri re, pasi kafshët e vogla mund t’i mbijetojnë temperaturave jashtëzakonisht të ulëta. Ajo që është më e habitshme është që kjo dukuri po ndodh pas 80 vitesh.

Rruga Press