Raporti i OKB-së: Uria për bukë në rritje në botën arabe

Në vitin 2020, 69 milionë njerëz vuajtën nga kequshqyerja në botën arabe, ndërsa një e treta nga  420 milionë njerëz në total nuk kanë akses në ushqim, tha sot Organizata e Ushqimit dhe Bujqësisë (FAO).

Midis  viteve 2019 dhe 2020, 4.8 milionë njerëz në botën arabe vuajtën nga kequshqyerja,tha FAO.

Organizata shtoi se dy vendet më të prekura mbeten Somalia, ku 59.5% e popullsisë vuan nga uria, ndërsa qeveria federale përballet me një kryengritje xhihadiste që nga viti 2007 dhe Jemeni, i cili është në luftë për shtatë vjet, ku uria prek 45.4% të popullsisë.

Jemeni mban gjithashtu një rekord të personave me anemi, e cila në vitin 2020 preku 61.5% të grave në moshë riprodhimi.

Përveç këtyre rasteve serioze, “afërsisht 141 milionë njerëz nuk kishin akses në ushqimin e duhur, 10 milionë më shumë se në vitin 2019”, thuhet në raportin e OKB-së.

Me këtë rritje , uria është rritur me 91.1% në botën arabe gjatë 20 viteve të fundit, sipas FAO.

Rruga Press