Kina jep miratimin urgjent për ilaçin e saj të parë kundër Covid

Autoriteti i mjekësisë në Kinë ka dhënë miratimin urgjent për përdorimin e ilaçit të parë të prodhuar në vend kundër Covid-19.

Mediat kineze raportojnë se ilaçi, pritet  të reduktojë ndjeshëm shtrimet në spital dhe vdekjet te pacientët me rrezik të lartë.

Lëvizja vjen pasi rregullatorët në mbarë botën, pas daljes së variantit Omicron, kanë dhënë dritë jeshile për trajtimet medicinale.

Kina po përballet gjithashtu me një numër në rritje studimesh që tregojnë se vaksinat e saj kanë shkallë më të ulët të efikasitetit në krahasim me vaksinat e prodhuara jashtë shtetit.

Në një njoftim zyrtar të botuar të mërkurën, Administrata Kombëtare e Produkteve Mjekësore të Kinës tha se ka dhënë “aprovim urgjent” për një trajtim me antitrupa monoklonal.

Një antitrup monoklonal është një lloj proteine ​​që ngjitet në proteinën e majës së koronavirusit, duke zvogëluar aftësinë e tij për të hyrë në qelizat e trupit.

Rruga Press