Aventura e re e Peppa Marriti Band, “Xhamadani vija vija” në rock arbëresh

Mes shumë risjelljeve dhe përpunimeve tashmë kënga e njohur “Xhamadani Vija Vija ka dhe versionin e saj arbëresh. Grupi i njohur arbëresh Pepa Mariti band kanë publikuar pak ditë më parë versionin e tyre të këngës.

Kjo nuk është hera e parë që grupi ripërpunon këngë të njohura shqiptare, më herët ata kanë sjellë edhe një version të ri të këngës “25 Gërsheta”.

Grupi Peppa Marriti Band lindi në Shën Sofia (Santa Sofia d’Epiro), një vend i vogël me popullsi me origjinë shqiptare në provincë të Kozencës, Kalabri. Ideja bazë e grupit është ajo që të bashkojë rrënjët e rock-ut me traditën dhe kulturën arbëreshe ( Italo-Shqiptare).

Janë të shumta pjesëmarrjet e tyre në festivale të rëndësishme kombëtare në Itali si ai i Arezzo Wave; Adriatico – Mediterraneo, Sonica, Ampollino Sound, Festa della Musica, Suns Contest 2009, DemoFest Lamezia Terme, dhe jashtë Italisë si BunkerFest Pezë/Tirana (Shqipëri), Java Kulturore Arbëreshe Shkup,(Maqedoni).