396 hektarë kthehen në mandatin e AKP-së, vlera 188 milionë euro

August 13, 2025 user 1

Agjencia Kosovare e Privatizimit (AKP) ka njoftuar të mërkurën se ka identifikuar 461 asete të reja dhe se 396 hektarë pronë shoqërore janë kthyer në mandat të saj. Sipas njoftimit, vlera e këtyre është rreth 188 milionë euro.

AKP-ja ka thënë se procesi i verifikimit dhe identifikimit të aseteve të ndërmarrjeve shoqërore janë zhvilluar në bashkëpunim me Agjencinë Kadastrale dhe është mbështetur në të dhënat zyrtare të vitit 2024.

Lexo më shumë Klodian Braho në krye të SPAK, mes presionit të ambasadave dhe llogarive politike

Këtë proces, AKP-ja ka e ka cilësuar arritje të rëndësishme institucionale.

“Qëllimi i këtij procesi ishte evidentimi dhe saktësimi i të drejtave pronësore mbi asetet e ndërmarrjeve shoqërore, duke garantuar menaxhim të përgjegjshëm dhe në përputhje me ligjin e AKP-së. Si rezultat, janë identifikuar 461 asete të reja, me një sipërfaqe totale prej 396 hektarësh, të cilat më parë nuk figuronin në listat zyrtare të AKP-së dhe nuk administroheshin nga Agjencia. Ky shënon një hap të madh në drejtim të rikthimit dhe menaxhimit të pronës shoqërore në përputhje me mandatin ligjor të Agjencisë”, thuhet në njoftim.

Lexo më shumë Prokuroria i ngren aktakuzë për falsifikim të dokumenteve zyrtare Nexhat Fazliut, teksa “gazetari” Mehmetaj tentoi ta manipulojë opinionin publik duke e shpallur “hero”

Rruga Press