1.000 dollarë për të gjetur qaforen e qenit të ish-presidentit amerikan

Një stacion radioje që i shërben qytetit të lindjes së ish-presidentit të SHBA-së, Warren G. Harding, në Ohio, thotë se një shpërblim i ofruar nga një prej dëgjuesve të tij po jep shpresë të re për të gjetur qaforen e qenit që nuk gjendet prej kohësh pasi u vodh nga shtëpia e tij historike.

Scott Spears, drejtues i një emisionit, tha se donatori i shpërblimit prej 1000 dollarësh kërkoi të mbetej anonim.

Ai tha se stacioni i ka depozituar paratë në një bankë lokale dhe do të veprojë si ndërmjetës për çdo informacion të ofruar për të zgjidhur misterin.

Qaforja antike ishte e vetmja gjë që i vodhën nga shtëpia e tij një të martë më 2012. Një roje gjeti një shkallë të mbështetur në një dritare të katit të dytë. Kjo nxiti spekulime se hajduti e kishte vizituar shtëpinë më parë dhe dinte se ku të kërkonte qaforen, shkruan AP.

E bërë në vitin 1923, qaforja ka emrin e qenit, “Laddie Boy”, të gdhendur në të me germa të ngritura të rrethuara me zemra.

Rruga Press